|
Ma chière garce, veurs-tu, dis-mé, j' t'en prie A mé t'consacré pour toute ta vie? Veurs-tu, dis, bâyi tout tan p'tit quieu Au siain qui pour té risquérait l'feu, - Lî bâyi sans rêzerv', sans partage, Et, pus tard, t'mettr' ov li à mênnage?..... Né m'rêponds pas Nânnin; car, tu sé, Tu me f'rais bétôt d'chagrin crévé. I n'y a pas d'aoutr' fille qui comme té m'piaîze: Ne r'fûze pon, ma chière, de m'mettre à m'n aîze. Néné, vains un jour faire ma quîzinne; Et pour ach'teu sait MA VALENTINNE.
W. |
Viyiz étout: