Lé surréalisme est eune philosophie tch'a înfluencé l'art, la littéthatuthe, lé cinnéma et l'design.
Lé surréalisme, coumme philosophie, dêv'loppit à la siette du Dada auprès la Preunmié Dgèrre Mondiale. Y'en avait tchi 'taient d'avis qu'la dgèrre avait 'té l'but d'eune rationnalité mécannique - i' fallait don r'chèrchi chein tchi 'tait pus qu'réel (sus-réel) dans l'înmaginnâtion, les rêves, la folie, l'absurdité et l'esprit înconscient.
Les r'chèrches dé Sigmund Freud dans l'analyse des rêves et l'associâtion libre d'idées et d'mots înspithîtent les surréalistes.
Guillaume Apollinaire înventit l'mot surréalisme en 1917 et ch'fut l'Manifeste Surréaliste d'André Breton en 1924 tch'êtrueûlit l's idées en France épis en Ûrope.
Viyiz étout: