|
D'la peintuthe en pliuque, êloqu'tée en clius, tchi clyînn'te en bêlong, en brun, nièr et bliu; des gouélhos tchi d'gouttent, brâleurs en bêclian, dans ches carres tchi cliutent et ches corles sus l'cant; des clyippes et des vars tchi pilvâquent des loques, pitchis à la gliaine, i' moulinnent et droquent: les couleurs en châquent et tchaquenardent les cos d'la main du griyeux, l'chein tchi juque san p'lo. Geraint Jennings À l'exhibition "Abstract Expressionism" à l'Académie Rouoyale, Londres, Dézembre 2016 |
Viyiz étout: