|
Né v'chîn sus l'trône la danme dé pièrre pèrchie à Moore; eune déêsse des Aztecs bèrchie dans la gal'lie; faîchonnée des falaises, aveugl'ye coumme est l'amour, ou restétha tréjous piteuse – mais sans pitchi. Êtrav'lée sus eune boête, ou régnétha sans tchoeu; pèrchie l'travèrs du corps – un viède à l'estonma; lé chîsé à Henri l'avait créé dé creux; la bouonnefemme des falaises – eune pièrre tch'a tchée ava. Un pèrron dé puth'té apèrchu par l'stchulpteux; Êl'vé et r'suscité des siècl'yes auprès sa tchête; l'artiste tchi l'embraichit la pliaichit siez les dgieux; un creux transfidguthé et couochi dans la Tate. Geraint Jennings Londres, 28/12/2003 |
Viyiz étout: