|
Mess Bisson 'tait gênè, Samedi, “Elie, qu'i' m'dit, dès qu'j'appréchi, Elie, m'n'amin, R'garde chonnechin Qu'est sus l'compteux d'pis hier matin.” Et i' m'montri un p'tit patchèt - Dé tchi qu'était bein amathè Dans un morcé de vieille gazette Avec un p'tit bu d'blianche lachette... Mé, j'resti d'l'autr' bu d'la boutique... “Mess Bisson, j'dis, ch'est là une trique Ou p't'être un oubli - nou n'sait pon - Mais ch'est là un patchet d'paisson... L'papi peut l'muchi à mes yeaux, Mais men nez, li, en est bein seux!
|
Viyiz étout: