Daeux fermièrs de la pâraisse de la Trintai
S'en allaient eun biau jour à la pêque du mulet.
I' rencontridrent eun bein Riche paîtcheux,
Et y l'y d'mandidrent bein poliement d'allé avec yieux.
Oui, oui, qui dis, et avec grand piaîzi, j'yrai,
Mais je ne pas prins d'avis comment fait la mé.

Yieun dis, ches morte-ieau, car j'ai ergardèt,
Mais toute ieau est bouanne pour le mulet,
Mais tchi conte san s'n'hôte, conte daeux feîs.
Ils enviedrent un tas d'bette et n'eudrent pas d'mulets.
Le paîtcheux dis, i' faout êprouvé pour le mac'thé,
P't'être que j'éthons eunne chance d'en attrappé.

Du terme ila enviedrent un tas d'bette et les viyais bouogi
Mais dé yieux ni d'la bette le mac'thé n'appréchi.
Enfein, i' didrent, i' n'faout pas nos t'nin là
Si j'êprouveîmes acheteu à attrappé un vra,
Car il' avaient ov'ieux eun raide bouan paîtcheux,
Et qu'avait l'habitude d'être bein chanceux.

Tout 'tait si trantchille qué iun s'endormi,
Quand tout d'un coup il entend eun cri:
Vite! vite! d'la bette, là! nou l'manquetha,
Là! il est hors et ch'tait eun gros et biau vra.
Nou' n'attrappe rein, tch'est qui fait chonna?
Ch'est manque d'avé ergardet dans l'Almana.

Le grand dis: je sommes à perdre not' temps,
Baille nous eunne feîs d'cidre en attendant.
Quand i' r'gardidrent pour la jougue dans l'pagni,
Oul avait 'tait oublièe et n'avalent rein à mangi.
Iun dis: i'si treîs belles pommes, i' faout les partagi,
Et v'là tchi nos servitha d'baithe et d'mangi.

I' 'taient justement à pensé qui fallait lûs en allé,
Le pus p'tit s'en vint en riant, i' v'nait d'attrappé
Eun bian gros Lieu. Ah! chute fais je l'tiens,
I' n'm'êcaptha pas, le l'teins avec mes daeux mains.
Pour t'chinna, i' n'perdit pas tout san temps,
Car i' s'en alli Fermi et s'en r'vint (Lieu)tenant.

P.S.-La préchainne fais qu'ou z'ithais au paîson,
Tâchis d'avé le baté à Mess Bisson;
Et ergardais dana l'Almana, n'ya pas tant d'peine,
Comme d'allé sèrclyi sans vos mitaines.