Les Pages Jèrriaises

VOS PLIAIT-I DU PAISSON?

Cockles and Mussels

un maqu'thé

Jé d'meuthe avec man péthe, à côté d'la Corbiéthe,
Il a un grand baté pour la pêque au maqu'sé,
Car il est paîssonyi' qué ch'est un duèr mêtchi,
Vos pliaît-i' du maqu'sé frais tchi sorte dé ieau?

Êtous par la Missis, vos pliaît-i' du paîsson?
J'ai du maqu'sé, des crabes à co et du lanchon.

J'mets man bonnet d'îndienne, jé m'donne un p'tit coup d'brînge
Et toute d'suite jé mets man d'vanté dé bêlînge,
Et d'maîson en maîson, j'm'en vais vendre lé paîsson,
Voul-ous d'l'andgulle ou bein du bar et des grasdos?

Êtous par la Missis, vos pliaît-i' du paîsson?
J'ai du maqu'sé, des crabes à co et du lanchon.

La feugièthe dans l'pannyi, vint dé dans not' côtil
Ou garde lé paîsson frais, i' semblye tchi s'y pliaît,
L'lanchon d'géthotte acouo, prennez-en un fricot!
I' n'mé reste pus rein - d'même j'criéthai démain!!!

Êtous par la Missis, vos pliaît-i' du paîsson?
J'ai du maqu'sé, des crabes à co et du lanchon.

 

Viyiz étout:

 

Les Pages Jèrriaises