|
Yia chique temps jêcrit sus la soupe de puothai, Mais j'tannèe jes'sa sus un nouviau sujet, Dé tuos les fricots le sien q'jaime le mus, Chest des Regentes qui craque et d'la verte muothue. Ne'm palais d'lanchon, d'anghulle ou d'éthang, Ch'nest rain au pris d'un bouan morcé d'flaitan, Mais pour de mé che q'jaime oquo le mus. Chest des Regentes craqhuies ov d'la verte muothue. Y'en a qui préfèthent du makthé fricachi, Et d'autres sont fôs pour du cappelain rôti, Mais pour de mé che q'jaime oquo le mus, Chest des Regentes maichie et d'la verte muothue. Un mulet êtuivai ou un nice petit bar, Ch'nest pas mauvais mêlai ov la sauce de canard, Mais pour de mé che q'jaime oquo le mus, Chest des Regentes, de l'huile, et d'la verte muothue. Et pis le saumon quest l'prince du paisson, Y faut que j'diche qu'il est certainement bon, Mais pour de mé che q'jaime oquo le mus, Chest des Regentes flleutheuse ov la verte muothue. Yia du paisson d'toute sorte et pour touos les goûts, Y'en a qu'aime la tête et d'autes qu'aime la coûe, Mais pour quant à mé che que'j' relish le mûs, Chest toutes les parties d'une bouanne verte muothue. Jan du Neu'Kh'min |
Viyiz étout: