Les Pages Jèrriaises

Au S'tembre

Né v'chîn lé S'tembre. Lé ciel est gris et b'sant.
Lé vent ligi est à brîngi les branques
Et fielles des bouais. Les gros d'gouts d'plyie tchiyant
Du gris ciel lavent les liefs, les c'mîns, les banques

Et l'espé tchultivé duthant l'Êté.
La natuthe sembl'ye lavée et bein nettie,
Blianchie et puthe avant l'appraîche dé Noué.
Vaie eune saîson mouothi, né v'là lé prix

D'atchilyi tréjous eune nouvelle saîson.
Lé temps s'gâte, véthe - mais nos tchoeurs lus amendent,
Abandonnant auve jouaie lus cartchaîsons
Tchi 'taient bein pus b'santes qu'les achies tchi d'cendent.

 

Geraint Jennings
6/9/2000

 

Viyiz étout:

 

Les Pages Jèrriaises