|
Névembre, Novembre, bieau mais du Stembre, tréjous l'beinv'nu tchi veint pouor l'bu. Novembre, Névembre, couort à toute gambe auprès Octobre - pus nièr, pus sobre. Névembre, Novembre - parleux ou chambre: nou reste siez sé pouor mus s'caûffer. Novembre, Névembre: v'là l'heuthe dé dambr- -ionner san vièr bataclian. Névembre, Novembre: fîsées et fliambes d'vant l'arrivée du fraid d'l'Hivé. Novembre, Névembre, quand nou s'ramembre des cheins tch'ont tchée avaû l's années. Névembre, Novembre, n'ôse pon nos embr- -ontchi atout d'la baue au g'nou! Novembre, Névembre, arrive d'un ambr- -on d'vant tchitter ès ambettes d'Noué. Geraint Jennings |
Viyiz étout: