Je ouai du chant dans les vallèes,
De l'ernouvé je vei les pas;
Verte est la biête dans l's allèes,
Iou la feug'rolle ètend ses bras.
La duoche èpine est erflleurie,
Les flleurs nos creissent suos les pids:
Tout à l'entour halle à la vie:
Chantèz, ouêssiaux, grands et petits!
Ah! que la terre est ach'teu belle,
Et tout est vert, et tout est frais;
Le coucou r'veint, l'hirondelle
Ercherche sen nid suos nos faix.
Chantez en êl'vant vos familles;
Les grands fossès sont pour vos nids
Des habitaclles ben tranquilles:
Chantèz, ouèssiaux, grands et petits!
Viyiz étout: