D'la gâche dé potithon et pommes
îngrédgeins:
- 300g dé flieu
- 300g dé jaune chucre
- d's êpices (gengivre, muscade, cannelle, toute-êpice s'lon san goût)
- 2 tchul'lées à thée d'bicarbonate
- 4 oeux
- 200g dé beurre fondu
- 500g dé potithon
- 2 pommes suthes
Caûffez l'fou à eune tempéthatuthe dé 180°C. Nou peut fondre lé beurre dans l'fou s'nou veurt.
Dans eune bolle dêmêlez la flieu, l'chucre, lé bicarbonate et l's êpices. D'battez l's oeux dans l'beurre fondu épis vèrsez l'mêlange dans la bolle. Dêmêlez tout ensembl'ye. Hadgiz l'potithon et les pommes dans eune machinne dé tchuîsinne et ajouôtez-les au mêlange. (Ch'est s'lon, mais l'potithon peut êt' ieauseux et nou peut sait rêduithe la quantité d'potithon sait ajouôter acouo un mio d'flieu).
Ch't' èrchette graietha deux gâches dé dans les 20cm dé dgèrte.
Beurrez les lachefraies à gâche et vèrsez-y l'mêlange. M'ttez au fou pouor dans les 50 minnutes (êprouvez les gâches atout eune broche à c'menchi d'35 minnutes)
Viyiz étout: