La Soupe d'Andgulle
Eune èrchette d'La Rocque
- eune tête de 2 ou 3 livres
- eune caboche
- gros comme un oeu d'beurre
- 1 pinte de verts pais
- un pouoré ou d'l'ouognon
- eune quarte d'lait
- eune tchul'lée à soupe de flieu
- les rayons d'8 ou 9 flieurs de soucique
- eune pétite tchul'lée à soupe dé sé
- du persi
- du paîvre
Haler l's iers, laver la tête, couvri d'ieau et bouoilli à p'tit feu pouor eune heure et d'mie. (Ajouôter l'sé auprès eune heure.) Haler l'paîsson et mettre les lédgeunmes préparées, dans l'litchide, à tchuire eune démi'heure ou d'même, pis mettre le persi, l'beurre et les flieurs et êpaîssi en ajouôtant la flieu dêmêlée dans deux d'gouts d'ieau ; erbouoilli pouor 4 minnutes, en rêmuant. La dernié chose ajouôter l'lait et deux brins d'paîvre ; faire erbouoilli et dréchi tout d'suite.
Le paîsson est bein bouon atout du vinnaigre au r'pas du sé le lendemain.
Viyiz étout: