La Soupe d'Andgulle
Eune èrchette dé St. Pièrre
Eune tête et eune coue ; couvri atout d'l'ieau et faithe bouoilli. Pis mett' ch'la dans un pot en tèrrerie à mitonner dans l'fou un coupl'ye d'heuthes. Lé lendemain couler l'chaud, pis ajouôter d'la caboche, d'la laitue, des fielles dé soucique, fielles dé bouôrrage, des pais d'camp, du pouothé et du sé, eune quarte d'lait et gros comme un oeu d'beurre et, d'vant dréchi, s'mer d'la flieur dé soucique sus l'haut d'la soupe.
Viyiz étout: