L's îngrédgiens:

• la tête et la coue d'eune andgulle
  
• du sé
  
• eune pétite caboche
  
• deux chalotes
  
• du pèrsi et du thymbe
  
• d'la flieu
  
• eune quarte dé lait
  
• eune pînte dé vèrts pais
  
• eune fielle dé soucique

Lave la tête et la coue d'andgulle, et met dans un grand sâsse-paine. Couvre auve dé l'ieau, met du sé, et quand oulle a bouoilli, laîsse à mitonner pouor eune heuthe. Hale lé paîsson, et pâsse lé litchide dans eune coul'rêsse. Met la caboche, les chalotes, lé pèrsi et l'thymbe. Met à bouoilli jusqu'à tchuit. Met la flieu et tchuis pouor chîn minnutes, met la quarte de lait, les vèrts pais, et la fielle dé soucique. Laîsse à mitonner pouor eune aut' chîn minnutes.

La soupe d'andgulle est raide bouonne.

1953