Les Pages Jèrriaises

Du Lanchon


Ma chièthe Bébé, je te r'mercie
D'avé si bein pensai à mé;
Tu peux bein crèthe qué j'aprécie
Chu buon Lanchon, tou frais d'la mé.

Nou dit q'la Grève d'Azette en meu
I l'yan a tant qu'nou z'en veur;
Mais y faut trouvai une buon' seu
Qui vô l'envie de sen bouan coeu

J'ai bein erchu tan paquai
Mais il'tait si bein cachetai
Que je n'savais dou qui v'nait,
Pas pus que chein qui cont'nait.

Quatre achets!!! mais je m'sis dit
I' faut qué j'sais bein en crédit,
Car nou n'prend tant de précaution
Que pour de l'or... chest du Lanchon!!!

Vite j'en mettons yun au feu,
Sans qu'not' femme en ai rein seu;
Car à vrai dithe ou n'té pon là.
Quand oul est v'nue - Quest don qué ch'la,
Nuos a t'all dit toute êbahie,
Du Lanchon! quest qui nouos l'envie?
Not' seu Bébé qui pense tréjous
Coum ès qu'ou peu nos pllaithe à tous.
 

Viyiz étout:

 

Les Pages Jèrriaises