La Soupe d'Andgulle
Eune èrchette dé St. Cliément
- 2 livres d'andgulle - la tête et la coue d'eune nère andgulle font la miyeu soupe
- eune pétite caboche
- 3 onches de beurre
- ½ pinte de verts pais
- des rayons d'soucique
- du persi minchi et du thymbe
- du paîvre et du sé
- du lait
- eune tchul'lée à soupe de flieu
Couvri l'paîsson atout d'l'ieau, ajouôter l'sé, et bouoilli à p'tit feu pouor eune heure et d'mie. Couler et ajouôter les lédgeunmes préparées au litchide, pis tchuire pouor à bein près eune démi'heure. Pis mettre le persi, le beurre et êpaîssi atout d'la flieu dêmêlée dans deux d'gouts d'ieau et erbouoilli pouor 4 minnutes, en rêmuant tout l'temps. La dernié chose ajouôter l'lait et l'paîvre ; faire erbouoilli et pis dréchi la soupe.
Viyiz étout: