Les Pages Jèrriaises

Ch'est Fameuses Patates

Sur l'air: So early in the morning

Mé, Rondé, et ma femme Betté
Notr' fille Ster j'voulaimes mathié.
Betté m'dis pas à un fermi
Mais un bantchi ou offici.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Cap'taine Hacqou, l'réguilly
Avec son régiment té en Jerri ;
Phillippe Deslandes 'tait l'bantchi ;
Jean Vautchi, un fils d'fermi.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Betté ma femme tèt en m'sespé,
Personne sa fille n'voulaient mathié ;
Mais la Ster de touos ieux s'fichi
Et mathyi Nick notre vachi.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Betté ma femme, avec ieux se mârri,
J'n'tais pas par trop réjoui.
Mais ma belle ferme j'lus cédi
Et j'm'en fut sièz Bill forgi.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Ma belle ferme que j'lus cédi
Ils l'ont ieusse à buan marchi,
Pour plianté chès belles pommes de terre
Qu' on té crues en Angletièthe.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Pour dièz sous chès casses fites envies
A Nick l'vachi, mon biau-fils,
A chute vendue à la Grève d' Azette
Couomme vous l'vites sus la gazette.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Comme Jim l'Député disait :
A vous jamais oui dithèt !
Y f'raient bein mus d'les rafflier
Ou par chance toutes les donner.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Les Messieurs nommés à vie
N'taient pas touos d'la même avis;
Y en avait d'ieux pour les donner
A Saint Aubin pour les plianter.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Quand la d'jerre fut décliathée
Les pommiers furent touos hallés
Dans un biau clios ès Huriaux
pour les plianter! l'...... en haut !

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Le chef de St. Ou fit le coup
Avec son tracteur à l'entouor
Et chu biau clios mins tout prêt
Fut plianté par Jean d'la Haie.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Nick les nomma des Carolines
En les piiantant touotes à la ligne,
Pour les vendre pour 17/- chelins
A John de St. Pierre tchique buan matin.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

Si j'tais membre dans l's'Etats,
Des pommes de terre j'm'en mêlerais pas ;
Je laisserais tout aux pouorres fermis
Pour s'appauvri ou s'enrichi.

Refrain :
La prumièthe chose l'matin,
La prumièthe chose l'matin,
La prumièthe chose l'matin
D'vant que l'jour se fisse.

GEORGE.

 

Viyiz étout:

 

Les Pages Jèrriaises