Ah! not'e puoure biau frèthe y pensé jamais qui pourré pianté ses patates, y n'avé pas de ch'va. Enfin y fut vais siez tuous les marchands de ch'vaux, pas moyen d'en trouvé y'un.
Y s'adonnit que son biau frèthe John, en avé acaté un, et en avait treis, pour faithe la tuounis. Quand y fut finit d'tuouné, y pensit à li même :
« Je peux pas en gardé treis ch'vaux. »
Une sethée l'evla l'biau frèthe qu'arrive pour lis dmandé si pourré lis prêté le pus vit des treis, et lis dis oui, et y te bein content et vint le ramassé dans la s'maine. Not'e belle soeu te bein contente, car l'année passée, ch'té la même chose. Y n'avais pas de ch'va, et fûtes obigis d'arreté que tout l'monde tes finis de pianté, d'vant trouvé un ch'va. Y d'esfouithes si tard qui l'eûtes une terrible maladie dans lus patates qui ne pouvez pas en sauvé presque en tout. Enfin not'e belle soeu dis à son neveu :
« J'sis si contente pour le ch'va. Je mon' vais pas l'avé pour un volis, en cas qui l'ethé peux du linge, et sis bein contente de n'avé pas quochons en cas qui n'aimthé pas l'odeu. »
Et ou lis d'mandi :
« Crait tu qui s'enmettra, y' voudra peut ethé bein s'en rallé siez li. J'allons avé un cent d'avaine d'estranut et d'fain pour le soignit bein. »
Enfin y l'ont ch'emchi a pianté et ou trouvé du monde a lus aidji. Ou l'ont un vielle fille, une Miss Malduouthé et un vier garcon Pierre Cotillion, et la vielle fille dis à not'e belle soeu, qui fallait amathé des bouchons le tout sans cout avec la lachette pour ne sentit pas auchunne esffet d'la piantis et faithe la croix sou l'avé ma auchun bord. Y l'ont pendu des bouchons le tout du co au ch'va étout.
Viyiz étout: