Ch'tait, aut'fais, lé jour pouor jeûner. Mais hardi d'gens allaient au rotchi ès baînis chu jour-là. Ayant fliêté (ou baînitchi) et pêquoté autrément, pus tard nou tchuîthait les baînis sus les lieux (en d'ssus du pliein) et nou les mangeait auve d'la gâche à fouée.

l's oeufs

Eune aut' vielle couôteunme du temps pâssé 'tait d'aller au Vièr Châté (Châté d'Gouôrray) lé Lundi d'Pâques, car ch'tait là l'seul jour qué l'publyi pouvait y'aller en visîte. Les gens d'l'Est sustout, sans doute, y'allaient en mâsse. Ayant veu tout chein qu' y'avait a vaie, en d'dans du Châté, y'avaît des jeux en d'houors pouor les gens à s'rêjoui - sus La Boul'lie. Un cèrtain Pièrre Vaûtchi (Pierre Vautier), prédicateu bein connu, y préchait un sèrmon étout annuellement pouor bein d's années.

A Pâques étout, bein seux, nou mangeait d's oeufs (pas comme a ch't heu en chocolat), et pis du sînm'né, des fliottes et des mèrvelles.

FLM