|
Mêlez lé chucre et la flieu, ajouôtez l'beurre lé frottant bein dans la flieu.
Quand chu mêlange est bein fin vèrsez les oeufs d'battus parmi, mêlez tout bein et continuez par pêtri bein la pâte, poudrant un mio d'flieu d'sus jusqu'a qu'ou n'cliutte pus d'autre au pliat.
A ch't heu faites des balles dé pâte qui pésent a peu près eune onche ou eune onche et d'mie et rouôllez chaque balle en un ovale, mais pas trop finnes.
Faites trais coppes sus l'long dans chaque mio d'pâte. Ouvrez la coppe du mitan, et allant douôchement pâssez un but d'la pâte lé travers dé chutte coppe jusqu'a qu'ou sé r'trouve a peu près la même londgeu comme dévant.
Tchuisez les mèrvelles dans l'huile ou d'la graisse bouoillante.
Ou f'thez a peu près trente mèrvelles auvec eune livre dé flieu.
Viyiz étout:
