|
Enhèrmélé dans tes dgéthets et bras, j'y daûse souos la sîl'ye dé tan sexe, seûth'tabl'ye dans tan câlîn. J'y sis au lis, j'y sis au liet et j'haûte par cause qué y'a raîque té à m'cad'linner en souaie et souîn. Entrégâchis, ma chai d'auve té, j'faîthons des couoches et j'sis pus mo qu'un vièr mat'nas dêbouôrrîndgi. Dgéde-mé acouo atout des douochinn'nies et douoches et dans chu liet, jé m'èrsîl'lai dans ta braichie. Enteurtilyis, endgèrrués, la tigue et l'trou sont couèrts dé mousse, vivante et vèrte en v'lous et souaie. Dans chutte bouaîs'sie ès lîncheurs d'fielles, tes bras tout l'tou, j'y daûse seûth'tabl'ye dans la souinn'nie et dans ta paix. Geraint Jennings |
Viyiz étout: