Heutheux l'chein tch'a vent et mathée,
êcliaithi par l'êtaile d'espé.
N'y'a pon d'veue tchi lit pouor m'rêjoui
la niet, j'sis au m'sespé d'ma vie.

Jé n'bliaûm'thai janmais mén affit,
ma douoche, qué jé n'peux pon r'nonchi,
car j'en sis d'hait raîque dé la vaie,
aimant raîque lyi, à tout janmais.

Si j'n'avêmes pon aimé si fort,
si j'n'avêmes pon aimé à tort,
ni rencontré ni nos sparti,
j'n'éthêmes janmais ieu l'tchoeu bûchi.

Adgi, ma douoche, ma belle preunmiéthe,
adgi, ma douoche, ma belle, ma chiéthe.
Sai riche en or, sai riche en jouaie,
amour et pliaîthi, r'pos et paix.

Un p'tit bécot - ch'est d'nos sparti
à tout janmais - tchi p'tit adgi!
Pouor té mes lèrmes boul'lont ava;
pouor té jé f'thai des houîns et ouas.

Robert Burns
Vèrsion Jèrriaise 2017, Geraint Jennings