Jutchi coumme des stchulptuthes d'y'a bein d's années
Èrgarde l'espace vièdde du vièr templ'ye, et pis
S'en va dansant, cèrcl'yant la pèrque, la crouaix,
Chantant, tuitant. La vielle églyise, remplyie

D'vie coumme la Créâtion au chîntchième jour,
Pus vivante qu'les anges fidgis sus l'autel
Auve lus trompettes muettes - y'a bein pus d'l'amour
Dé Dgieu dans la chanson d's ouaîsieaux. La belle

Héthonde, lé mouosson, même la mauve chant'tont
Pouor Dgieu; i' volent pouor Lî, pouor Lî i' juquent,
I' dansent dans l'air siez Lî, dans Sa maîson
Par d'ssus d'nos flieurs, couleurs, ribans et bliouques.

Geraint Jennings