|
Corbîn, Corbîn, gros nièr Corbîn - Ch'est tréjous à r'gret qu'nou t'vait sus tan c'mîn; Le chasseux s'en va sans s'dêrangi - Ta chai est si duthe, i' n'peut pas t'mangi. Cor! Cor! Et té v'là hors Sus l'haut d'la falaize où'est qu'tu niches et dors. Corbîn, Corbîn, gros nièr Corbîn - Avec raison l'fèrmyi té r'garde en ennemîn, Car souvent tu d'scends dans l'mitan d'nos clios Et sus not' bouan froment tu fais des fricots. Cor! Cor! va-t-en d'l'aut' bord - Ta vouaix sus la maison avertit d'eune mort. Corbîn, Corbîn, gros nièr Corbîn - Tu peux vivre chent ans mais tu meurs à la fîn; Ta vie à rein n'sert et tu n'est pas r'gretté Quand ta vilaine carcasse assique au solei. Cor! Cor! Le vent du nord Sait coumment plieunmer tan vilain nièr corps! |
Viyiz étout: