Les Pages Jèrriaises

CHANTE LINOT

Chante, Linot, le ciel est bllu;
La mer est cllaire coum' le verre;
Les boués sont verts, car il a pllu;
L'achie a rafraichi la terre,
Chante, Linot,
Ta jolie note;
Chantèz illo,
Linot, Linotte.
 Chante, Linot, le solèit r'lit;
A pllie et douleur y-à un terme;
Et i nos r'veint quiq'feis un rit,
Pour erséquir la moindre lerme.
 

A. A. L. G.

 

Vèrsion modèrnîsée:

 

Chante, Linnot

Chante, Linnot, lé ciel est bliu;
La mé est cliaithe coumme lé vèrre;
Les bouais sont vèrts, car il a plieu;
L'achie a rafraîchi la tèrre,

Chante, Linnot,
Ta jolie note;
Chantez ilo,
Linnot, Linnotte.

Chante, Linnot, lé solé r'lit;
À plyie et douleu y'a un tèrme;
Et i' nos r'veint tchiquefais un ri,
Pouor èrsitchi la maîndre lèrme.

Viyiz étout:

  

Les Pages Jèrriaises