Les Pages Jèrriaises

L'CAHOUAN.


Quand il est temps d'aller traire,
Q'nou ouait l'âne au marais braire,
Que le co dit coqu'lincheux,
Quand nou-s-allume ses feux,
Quands les cats cessent de tcheurre,
Ch'est au matin de bouonn'heure
Que le Cahouan est jutchi
Au tout haut du vier cliochi.

Mais au sei quand veint la brune,
Et la niet au cliet d'la lune,
Quand ous viyiz l'êtcherbot
S'capuchant coum' un vier fo,
Quand ous viyiz l'crapaud sière,
Et du verpeu la lumière,
Et la cauq-souoris voler,
Ous l'verraïz se dêhaller.

A. A. L. G.

 

Notre Caouain

 

Viyiz étout:

 

Les Pages Jèrriaises