|
Tch'est qu'a tué la Rouage Gorge? Ch'est mé, dis l'mouôsson, Au've m'n arbalêque J'tué la Rouage Gorge. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui vis la mouothi? Mé, s'fis la môque à mi', Auve mon p'tit yi', J'la vis mouothi. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui print san sang? Mé, dis le v'rat, Dans man p'tit pliat, J'prins tout san sang. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui l'ensevlitha? Mé, dis le vier paën, Avec deux biaux ribans, Et tout en blianc. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui f'tha san coffre? Mé, dis l'raité, Auve man p'tit marté, Je f'tha san coffre. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui f'tha san fosse? Mé, dis l'hirondelle, Auve ma p'tite Truelle Je f'thai san fosse. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui sonn'na la clioche? Mé, dis l'gros boeu, Car j'ai d'la forche, J'sonn'na la clioche. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui s'a ministre? Mé, dis l'corbin, Car j'm habile en né, Je s'ai l'ministre. Touas les ouaisieux de dans l'air, Vintent en lermant et plieuthant, Quand i's ouitent de la mort à la p'tite Rouage Gorge, Quand I's ouitent de la mort à la p'tite Rouage Gorge, Tch'est qui suivra l'corps? Mé, dis la grive, Et 'ous pouarrez tous suivre, Chu pouarre p'tit corps. |
Viyiz étout: