Épis i' r'vîndrent à Jéthusalem et coumme i' marchait dans l'Templ'ye, v'là tchi vîndrent à li les grands prêtres et l's êcrivains et les vièrs et i' lî dîdrent, "Par tchil autorité qu'tu fai chennechîn? Et tchi qu'i t'as bailli l'autorité d'faithe chennechîn?"
Et Jésu lus dit, "J'vos d'mand'dais étout eune chose; rêponnez-mé, et j'vos dithai par tchi autorité qué j'fai chennechîn. La bâptîsie d'Jean, 'tait-alle du ciel ou d's hoummes? Rêponnez-mé!"
Mais i' lus entre-dêrenglyînmes en dîthant, "Si j'dithons, 'Du ciel,' i' ditha , 'Pouortchi don qu'ou n'l'avez pon creu?' et si j'dithons, 'D's hoummes,' j'soummes êffrités du peupl'ye car touos ieux r'gardaient Jean coumme un prophète..." Et i' rêponnîdrent à Jésû, "J'n'en savons pon."
Et Jésû lus dit, "Jé n'vos dithai pon nitout par tchil autorité qué j'fai chennechîn."
Viyiz étout: