|
Les biches brinnotent sus l'haut des monts où'est qu'la déêsse vil'ye niet' et jeu; nou fait des mithacl'yes d'un ambron, nou cruche dé l'ieau auve un craîncheux. Nou bâptîse atout eune êcale dans la riviéthe; lé bord rotcheux est arrouôsé d'anges, ouôth-en-châle, en cruchant dg'ieau auve un craîncheux. I' couothent à l'auté en fliotchets, lus fros fliottant à l'entou dg'ieux; la mathe garde sa trantchilité quand nou cruche l'ieau auve un craîncheux. Viy'-ous lé bliu dé l'horizon? La déêsse brûle au run d'un dgieu et l'ieau russelle mais ou n'd'goutte pon. L'ieau a 'té cruchie dans l'craîncheux. Geraint Jennings Perugino "Lé Bâptême du Christ" et Granacci "La Vestale Tuccia" dans la Gal'lie d'Rouën 16/8/2009 |
Viyiz étout: