|
Des dêmons et des dèrviches becque à barbe caqu'tent, crouaîsis sus un c'mîn rotcheux d'montangne, et, barbe à becque en pâlîn et en marbe, des dragons en touothâle les êbréhangnent. Des ditons Turtchais tortilyis étout par sus les bords des portraits prîns du d'sèrt; des dêmons à lus entr'-haler les coues sont dêcrits par driéthe et à travèrs. La néthe plieunme a peintuthé ches nomades; un moment y'a des siècl'yes – i' caqu'tent acouo. Les dèrviches et les dêmons font pathade; la vie pap'sée et dorée des Turcots. Geraint Jennings À l'exhibition d'art Turtchais à l'Académie Rouoyale à Londres, lé 24 d'Mar 2005 |
Viyiz étout: