|
Les icônes fliambent coumme les robes d'empéreurs; les jouéyaux êgaluent d'lus êcliatchîn dé fliambes d'argent, et d'bijout'tie dé feurs; j'sommes êcliaithis par l'êcliat Byzantîn. Du vèrjus stchulpté d'goutte; nou siet des chèrs tchi lus pourchassent en v'lous, en souaie, en lîn; du d'si doré, du pourpre et des pliaîsièrs; des paîssons peintuthés sus un tèrrîn. Les saints nouos pouaintéthont par iou aller; la Méthe dé Dgieu nouos mouontrétha lé c'mîn; les crouaix înscrites, forgies en or et fé, mènent patte à coue les paîssons et pèl'rîns. J'sommes atchilyis par l's anges, des fliambes ès ièrs; j'nos pathannons dans l'palais împèrmîns - et coumme des contchéthants, d's avantuthièrs, j'nos spalméthons dans chu pourpre Byzantîn. Geraint Jennings |
Viyiz étout: