Endrait Matisse, la dorm'rêsse 'tait eune corle en bliu,
toute habilyie coumme l'odalisque d'un grand Turcot;
sus les muthâles voltilyaient un fliotchet dé clius
dé v'lous, dé coton, d'tapis et d'calînmango.
Lé portrait noué dé touothâles et pap'sé d'baroque
dêmêle les bazârs et mannifactuthes dé souaie;
lé faîtheux d'taile a fabritchi eune fête tch'attrioque
nos ièrs ès seins et sîngnes d'un rouoge kiosque Turtchais.
Et l'odalisque dêsabilyie, èrnée et nue,
a d'samathé des bliouques et boutons en un fliot
dé jaunes ribans rîlyis et d'couothants dêcouôsus
à lus r'corlichonner coumme dans un séraglio.
Geraint Jennings
27/3/2005
À l'exhibition "Matisse" à l'Académie Rouoyale, Londres
|
