|
Les chasseurs dans la tapiss'sie sont couôsus dans eune cliôsée d'flieurs, dé trêfl'yes, dé pavots, d'pîssenlyits. I' châquent lus piques, i' font des teurs. Les tchians d'chasse font des saûticots, des révéthences, des courtouaîsies. Nou n'peut dgéthe distîndgi lé clios des fros ès danmes en fielles dé fi. Parmi les soûciques et mèrgots, les ours sont pitchis et stitchis; ès chasseurs, ieux, i' font tchique dro. Lus sang arrouôse la tapiss'sie. Geraint Jennings Mûsée Victoria et Albèrt, Londres 17/12/2008
|