Quand les Jèrriais sont à chanter en publyi pouor un êvénement folklorique, y'a des gens tchi veulent saver un mio entouor lé costeunme traditionnel dé Jèrri.
Chein tch'est typique pouor les femmes est l'bannète d'îndgienne. Aut'fais i 'taient faits en toutes manniéthes dé couleurs, mais achteu nou préfèthe sustout lé rouoge et l'bliu. Un long fro, ou eune c'mînse et eune cotelle, auve un blianc d'vanté est l'pus traditionnel pouor lé travas. Nou préfèthe des rouoges fros pouor nos présentâtions sus la strade, viyant qu'ch'est la couleu nâtionale.
des bannètes d'îndgienne
L's habits dé Dînmanche pouor les femmes 'taient pustôt eune belle blianche quémînse auve eune longue néthe cotelle et eune capote en souaie.
Pour l's hommes, nou met eune c'mînse, des néthes braies, et un veste, auve un rouoge mouochet l'tou du co. Un chapé bowler ou un chapé d'pâlle sus la tête protège contre lé solé.
Bein seu, lé Dînmanche ché s'sait un fa qu'nou portéthait.
 |
 |
 |
 |
 |
 |
 |
 |
 |
 |
Viyiz étout: