Il en a eun assortiment helas! en a ty,
Mais ilen veux trejous eun neu, jamais eun vi ;
Je m'en vais vos dithe tchiqueuns que je connais,
Et ou verrais s'il en a eun bouan choiex.

Il en a de gris, de bians, de bruns et de nier,
Il en a yieun qui met trejous de travers,
Il en a eun bian de paille, chest la san favori,
Il touone et le ratouone, y n'est jamais cosi.

Il en a eun aoutre de paille, t'china est gris,
La premiethe fais qu'il mins, sa missis tet si mâsrie
Qui l'serri et l'enfremni dans eunne tithette.
Avec sa bouane petite "cheese cutter" tunette.

Chute tunette la tchet s'en couosin le roie qui yiavait donnais,
Yia déja longtemps, j'dirthé tchique anneais ;
Mais du terme sa missis ne l'aimait pas,
Y la serri et juthi qui n'la r'mettrai pas.

Il en a eun aoutre, mais tchina est de drap,
N'ou ne l'erconnais pon quand il a t'china :
Quand il est dans san quer avec san long fouet,
Il a l'air d' un prince, chaque il est en effet.

Le sien qui met au matein n'est ni alpine ni tapeur
Et pis il a eun telle drôle de couleur,
Sa "shape" est comme eun p'tit brun pia.
Sa couleur comme eun mêle quand il est bia.

Il a étout eun Bill Tapeur qu'est bein enfreumait,
Dans eune buïe "ban box" quest comme eun boutchet;
Tchîna est deishalait que tres rarement,
Seulement pour batême ou pour enterrement.

Il en eut yieun pour la bataille des fieurs.
Tchîna est comme eun arc en ciel en couleur ;
Y n'est ni bian, ni brun, ni gris ni né,
Je vos dithai que chest eun drôle de chapé.

Il eut sans doute raide de fleurs enviais d'sus,
Des rouages, des vertes et sans doute des buïeus ;
I l'eut justement pour chu jour la,
Et peut être que jamais il ne l'ermettra.

Il en eut yieun tout neu pour le Show de Saint Clément,
Tchet eun bian de paille avec eun vert riban,
Tchina etait eun chi et pis eun raide bon,
Mais il est fini étout pour chute saison.

Je crai que je vos en ai dit assaies,
Pour vos montré ouèque les hommes ont lidaies ;
N'importe chein qu'chest, si chest lus "Hobby,"
Y l'éthons, n'ia pas d'soin s'il est un mio chi.

Helas! le temps pâset les hommes avais eun chapé,
Un mio bon, quand t'chet pour lus mathié :
Y lus duthait tout l'reste de tue vie,
Et pis tchet eun hethitage pour lus fis.

Mais le Prince netait pas la.

Livonia