|
Un Chantgni qu'je n'vos nom'thai pon, Et qu'on' connaissiz p't'être bein d'nom, V'nait d'arrêter un rein-tchi-vaille, Un chercheux d'chiques, d'os et d'féthaille, L'ayant prins en flagrant délit D'vol de fagots dans un côti. I' n'savait n l'nom du coupabl'ye Mais prins le c'min d'siez l'Connêtabl'ye, Pour aller l'y'expl'yitchi l'sujèt. T'nant bon l'ouêsé par san blianchèt. Ils allaient d'même avau la route! - Mais pas dans l'même esprit, sans doute! Le Chantgni, qui n'avait des cas Qu'assez rarement, aloignait l'pas, (Bieau qu'i' fusse pesant par natuthe) Car il 'tait tout fi d'sa captuthe. Le temps, chu jour là, 'tait mauvais Les achies d'pl'yie s'entre-suivaient; Et à toute heuthe des squalls de grille S'abattaient sus campagne ou ville. I' ventait du', des vents d'amont, - Qui s'lèvent et s'couochent ov' les moutons" Comme le dit si bein l'vièr provèrbe. - Tout d'un coup, passant un camp d'hèrbe, L'long d'un fossé couvert de geon I' s'trouvidrent dans un tourbillon Et l'vent, en touannant l'tou' d'lus têtes, Les laissi là, comme deux pouorres bêtes, Ergardant s'naller lus chapiaux Par sus l'fossè, jusque dans l'clios.
Ch'est drôle comment qu'une petite cause
- "Ah, justement! ma fingre, vaithe!!"
Et notr' Chantgni, sus l's'entrefaites,
|
 |
 |
 |
 |
 |
 |
 |
Viyiz étout: