Ou'l eu tout du bon et du pus chi,
En eun mot y nyient rein dêpaîgni:
Dotel, insertion et du biaux biân coton,
Tout tet du tout bé et du tout bon.
Car ou criyiait qui yierait Competition,
Pour le pus riche Cotiyion,

Ou'l eut eune bein grande couestuthiethe à yièdgyi,
Car ou'l avait peuex de ne pouvé pas le fini.
Il y furent deuex jours et eune longue gniet,
Mais dame chest qu'il est diversement bein fait,
Car si yiavait yieu Competition,
Ou'l ethait yieu le prix pour san Cotiyion.

Yia des frilles d'insertion et de dentelle.
Y yia couetet des sou, mais chest eun vraie modelle.
Quand n'ou l'y d'mande le patron ou n'veux pas le prêté.
Ou dit, je le priens de dans ma tête, ches pourchi faites comme me
Car si yia eunne Competition,
Je veux avé le prix pour man Cotiyion.

Le jour arrive, la v'la en trains d'allé,
Mais ou'l avait tant d'embarras a s'ertrousé,
Car n'inporte partout oueque ou'l allait,
Y fallait que s'en Cotiyion fut mautrait,
Car si yiavait yieut Competition,
Y fallait que les juges visent san Cotiyion.

Quand ou vint a la fête, a s'an grand êtonnement,
Personne ne l'y fît le pus p'tit compliment,
De l'y dithe que san Cotiyion était béai
Et qu'il était le pus béai qu'il avaits veu passeai,
Et que ou'l avait le prix de la Competition,
Car tchet le pus biaux Cotiyion.

Ou'l avait biaux marchi et se strick marchi,
Pas yieun des juges n'apprechit de yi.
Ou pensi, je sis a faithe eunne bête de mé.
Et je m'en vais bein vite m'en allé seis mé.
Je vait bein qui nyia pas de Competition,
Pour man magnifique Cotiyion.

Ou r'vint siez yi bein des fais desappointeais,
Davé passait eunne telle triste journeais,
Et yi qui criyiait d'avé le premi prix,
Mais chès-qu'ou tait diversement mâsrie;
Si yiavait seulement yieu de Competition,
Mais yian avait pas pour le Cotiyion.

Quand ou r'vint siez yi, ou dis oh! la! la!
Tu t'en vas être converti en "antimaccasa,"
Et au jour d'aniet ou le verrais la
Estendu sus l'dos de s'an bouan sofa,
Depis qui n'ia pas yieu de Competition,
Tu ne s' ças pas mins en Cotiyion.

Et pourtant quand y fut fini et bein fethet,
Eun louis d'or ne l'ethait pas accatait.

MORAL:

Y ne faut jamais se vanté de sa journais,
Devant qu'ou sçait bein yien passaits.

Livonia