Les Pages Jèrriaises

Lé Baté d'St. Mâlo



Y'a un couplye d'années d'chette-chîn, et ch'est la puthe véthité. Un Ste. Mathiais t'ait en excursion à St. Mâlo. Lé sé, par être trop prêssi! i' mantchit san baté et fut oblyigi d'couochi là sa niet et prendre lé baté (heutheusement qu'y'en avait iun) lé lendemain au matîn. Quant à li, i' n'li' en' tait pas tant d'rein ; véthe, mais ch'tait aut' chose pour sa missis - v'la tchi n'lî pliut pon du tout. Ou s'trouvit bein gênée pour lé temps. Quand l'pouorre corps arrivit ou li' en chantit dé toutes les bénites mé­thes et l'traitit d'un tas d'tchi qu'i' n'tait pon du tout pliaisant à ouï. Et comme ou lî faisait, tout en gronnant : « Fallait m'env'yer eune carte, au mains!”

 

FLM
1937

 

Viyiz étout:

 

Les Pages Jèrriaises