Chennechîn n'est pon eune èrchette Jèrriaise. Ou veint d'nos vaîsîns en Brétangne. Ch'est eune sorte dé gâche auve un tas d'beurre dans.

L's îngrédgiens:

Dans eune dgougue, ajouôtez lé lèveton à l'eau caude (auve un mio d'chucre dans) et la laîssi pouor tchiques minnutes.

Craînchiz la flieu dans eune bolle et pis vèrsez l'ieau et l'lèveton. Pétriz la pâte lévée, et pis laîssiz-la l'ver duthant eune heuthe.

Auve vot' rôllinne-pinne, rouôlez la pâte pouor faithe eune sorte dé cèrcl'ye (envithon trente centimètres). Mettez la maintchi du beurre sus la pâte et pis poudrez auve un tchièrs du chucre. Pliez la pâte en quat', en s'asseûthant qu'les bords sont bein freunmés. Laîssi-la pouor eune dgiêxaine d'minnutes.

Pis rouôler la pâte acouo eune fais, mettez l'restant du beurre et du chucre. Èrpliez la pâte en quat' et laîssi-la pouor acouo eune dgiêxaine d'minnutes.

Rouôlez la pâte eune dèrnié fais et pis coutchiz vot' kuign-aman dans un fou caud pouor trente minnutes.