J'avais une vieille vaisine qu'était avaricieuse à l'excè et grosse coumme une tounne. Une bordée dans le S'tembre, ou s'en alli dans son soyi pour qu'si des oeu's. Ou'l en trouvi sept ou huit dans l'êtrain et les mins dans san d'vanté. Malheutheusement pour yi, en d'vallant l'êtchalle ou' rompi une brocque et s'n'alli pataflias! en un lopin dans l'mitan d'l'appentis. J'avais ouï l'frédas de d'siez nous et j'couothi vais chein qu'y'avait. La vieille 'tait sans connaissance et s'était êteurt un pi. J'l'assiévi d'man mus en attendant pour de l'aide à la porte par dé-dans - unn' tè patchet! Bétôt, la v'là qui r'vint à yi. Ou' r'garde san d'vanté ov les oeu's touos en v'yoppe.
“Mon doux, mon doux, s'fit-alle, pourtchi que je n'fis pas chonnechin ch't'êté, quand les oeu's 'taient reinque qu'à vingt sous la douzaine? - Et les v'là à quarante!”
Viyiz étout: