Un boutitchi villais (et villain!) tchi v'nait d'trouver dans un racoin d'l'aître en driéthe dé sa boutique un p'tit patchet tch'avait 'té adithé pour si longtemps qu'i' n'sé rappelait pus tch'est qu'i' contenait, lé passit à s'n assistant, un gamîn tchi n'a pon grand' boute déhors et tch'îthait s'pendre si nou lî disait d'y'aller. “Gouôte chenna", il lî dit, “et dis-mé si tu crai qu'ch'est du jaune chucre ou du myi."
Autant il en fit mais bein vite èrêcopit chutte saleté et dit, en êteuchinnant, "m'est avis qu'v'là tch'a pus l'goût d'parafinne et d'soda qué d'myi ou d'jaune chucre."
"Ah véthe, mèrcie bein des fais," s'fit l'maître. “J'm'en doutais bein mais j'voulais m'asseûther, ch'est d'la pouaison à rats"!
FLM
1937
Viyiz étout: