Né v'chîn ieune qué man grand-péthe m'avait raconté, y'a bein d's années. Un couplye d'fos d'l'asile 'taient appiés sus la muthâle un jour à r'garder la leune et à compter sus lus dés. Dans la route dé l'aut' côté un îndividu 'tait atou eune palette et un boutchet en train d'collecter du feumi dé j'va, appathemment pour san gardîn.
Iun des fos d'mandit la raison d'chennechîn. “Pourtchi qu'tu'est à ramasser ch'la; tch'est qu'tu crai qu'ch'est, don?”
Lé gardingni rêponnit, “ch'est d'tchi qu'nou-s-a à bouon marchi et n'y'a pas miyeu qu'la bouse dé j'va pour mettre sus la rhûbarbe.”
V'là tchi dut êtonner l'fo gentiment car né v'chîn ch'tch'i' dit, d'un air tout excité - “Sabre dé bouais, v'là un ouaisé tchi met ch'la sus sa rhûbarbe et nous tchi sommes supposés d'être fos jé m'ttons du chucre sus la nôtre”!!!
FLM
1937
Viyiz étout: