Les Pages Jèrriaises

Lé C'mîn pour la Corbiéthe


Ch't êté un parti d'visiteurs à pid, tchiquebord dans St. Brélade, rencontrîrent un campangnard tchi lus apprînt qu'la politesse vaut mus qu'trop d'hardgièche. L'ayant achîtré (en angliais, bein seux) atou ches mots - “ai, Georges, tu n'es probablyément pas si bête comme tu pathais, tch'est qu'est l'c'mîn pour la Corbiéthe?"

Not' Georges les r'gardit deux s'gondes par en d'ssus d'ses leunettes, et - “Tch'est qui vouos a dit qu'man nom 'tait Georges," i s'fit.

"J'l'avons d'vinné," mêssieurs les visiteurs rêponnîtent.

“Ou, l'avez d'vinné,” s'èrfait not' jèrriais, “eh bein, mes b.......... dé baloques, d'vinnez lé c'mîn pour la Corbiéthe!”
 

FLM
1937

 

Viyiz étout:

 

Les Pages Jèrriaises