L'aut' jour lé maît' d'êcole dans ieune des pâraisses d'ava, pôsit eune tchestion à la classe; eune classe d'avièrs dans les huit à neuf ans. “Dé 6 ôtez 3, tch'est qui reste?” i' d'mandit. A c'menchi i' n'pathaissaient mus saver. Et quand l'maît' pointit à un cèrtain et lî dit “Té, Laïesse, sai-tu?” ch'tî-chîn rêponnit “j'sai pas, moussieu.”
“Dgiâtre,” s'fit l'maître, “tch'est qu'il' ont dans la couenne, don, les baloques?” I' rêprouve. “Viyons, si tu'as siex pommes et qu'j't'en d'mande trais, combein qu'i' t'en restétha?”
“Ah, bon - ah, eh, i' m'en reste six.”
“Tchi saquettîn niolîn,” s'fait l'maître, beintôt hors dé pâcienche, “quand j't'en ai d'mandé trais?”
“Véthe, moussieu, mais v'là tchi n'veurt pas dithe qué j'vouos les donne, dgia!”
FLM
1937
Viyiz étout: