Les Pages Jèrriaises

Le Mogue



lé mogue L'autr' Samedi, j'entrîmes dans l'preinseu' à man bieau fils, en passant, pour aver une fais d'cidre. I' s'trouvait parmi nous un janne villais ov le co êtreint dans une dghaine de trais pouces et des gants ès mains. Comme d'amor, y avait un mogue sus la barrique et quand j'eu touannè la chant'-plieuthe et empl'yi la prumié modghie, ch'fut à li que j'la passi, pour lis faithe hounneur. I' but tout, à p'tites gorgies et pis s'mins en train dé dêhaller san mouochet pour torchi l'mogue.

Mais l'vaisin Joe vos lis prins l'mogue - et rondement.

“Criyous, s'lis fit-i', que j'n'aime pas mus béthe souentre votr' bouoche que souentre votr' nez?”

 

Viyiz étout:

 

Les Pages Jèrriaises