Chennechîn n'est pon eune èrchette Jèrriaise. Ou veint d'nos vaîsîns en Brétangne. Ch'est bein aîsi à faithe.

L's îngrédgiens:

Dans eune bolle, mêlez la flieu, l'sé et l'chucre. Ajouôtez l's oeufs iun à iun, rêmuez et pis ajouôtez l'lait. D'battez pouor faithe eune bouonne farce. Ach'teu ou pouvez ajouôter un d'gout d'essence d'vanille.

Beurrez eune lachefraie et vèrsez la farce dans. Ach'teu ou pouvez ajouôter des frits.

Lé pus traditionnel, ch'est d'mett' des preunes s'tchies, mais mé j'préféthe des raisîns, des gros raisîns ou des corînthes. Y'a des gens tchi aiment l's apricots ou des tchoeurs, et j'ai même liu eune èrchette tchi suggéthe des tranches d'bananes.

M'ttez la lachefraie dans un fou caud pouor trais quarts d'heuthe.