Av'ous ouï chette-chîn? Un p'tit avé villais dans les 3 à 4 ans 'tait à rester sus eune fèrme pour un p'tit d'temps.
Un bouon jour i' couort à la maîson aussi vite comme ses gambes lî pèrmettent d'aller et dans un agré d'excitement à n'pas craithe et annonce d'un ton au m'sespé - “V'nons-en vite, vite, car eune dgaingue dé p'tits quétots sont à couorre souotre eune grand' quétotte à l'entou du hôgard.” I' v'nait appeler au s'cours mais pèrsonne né pathaissaient en faithe note.
I' r'veint pus tard et chutte fais il est comme un p'tit fo. “Ou viyiz bein,” i' lus dis, “ou n'êtes pas v'nus mais il est trop tard, dgia. Les p'tits quétots ont pitchi la vielle bas et acheteu i' sont tout à lî haler les boutons d'sa veste” !
FLM
1939
Viyiz étout: