Les Pages Jèrriaises

Non Coupablye

 

Un jour un homme fut traduit d'vant la Cour pour tchiquechose qu'il 'tait supposé d'aver fait.

I' plaidgi "Non Coupablye".

Le Juge li d'mandi: "Avous des témoins?"

"Nennin, Moussieu."

"Comment?" s'fit l'Juge, "ou n'avez même personne pour vos donner un bouan caractéthe?"

"Ah, si fait! I'y a l'Chant'nyi."

Le Chant'nyi resti stupéfait! Et i' dit au Juge: "Moussieu l'Juge, je n'avais même jamais veu ch't homme-là devant hier au matin quand je r'chus la pliainte et que j'fus l'saisi."

"La!" s'êcriyi l'prisonnyi. "ou viyiz bain! I'y a douze ans que j'sis ichin et le Chant'nyi ne me'connaissait seulement pas. Tchi miyeu caractère qu'ou voulez qu'chenna?"

 

Viyiz étout:

 

Les Pages Jèrriaises