L'aut'e jour iun d'nos commerçants qu'est diversement fort pour la pêque du mulet sel'vi à treis heuthes du matin pour s'en aller pêtchi au Bouôley.
I'comptait qu'i' d'vait être le seul qu'était par les c'mins à ches heuthes-là et en était pus ou mains ordgilleux et se fliattait qu'i pouvait être matina' quand i' fallait.
Quand i' vint à passer la maison de Maît'e Cliément d'Caen de vier quatre heuthes i' fut bain surprins de vaie l'bouonhomme appié sus sa héche à fumer sa pipe.
“Bonjour,” i' li dis, “v'la du biau temps annièt!”
“Vaithe,” se fit Mess de Caen, “Mais savous bain qu'i' n'faisait pas d'caud au c'menchement d'la matinée!”
Caouain
Les Chroniques de Jersey 20/11/1926
Viyiz étout: